زانکۆی کرماشانی پزیشکی

ئامانجە سه رەکیەکانی زانکۆ

پەروەردەکردنی بەهرەکان لەرێگای فێرکاری و تۆژینەوەی زانستی و پەرەپێدانی زانستی پزشکی و پارامیدیک بە مەبەستی بەهێزکردن و دابینکردنی هێزی ئینسانی پسپۆری پێویستی وڵات.

دابینکردنی پێداویستیەکانی تۆژینەوە بەمەبەستی دیاریکردنی هۆکارە نەناسراوەکان و بەرزکردنی ئاستی زانستی پەیوەندیدار بە تەندروستی و عیلاج.

زانکۆی کرماشانی پزیشکی، لە ساڵی 1968 وەکو پەیمانگای پرستاری دەسبەکار بوو. لەساڵی 1975 لەگەڵ گۆڕانی بە کۆلیژی پزیشکی دەستی کرد بە خزمەتکردن بە خەڵکی رۆژئاوای ئێران و پاش سەرکەوتنی شۆرشی مەزنی ئیسلامی و لەساڵی 1985 بە گۆڕانی بە زانکۆی زانستە پزشکیەکانی پارێزگای کرماشان، لەگەڵ کاروباری عیلاج و فێرکاری، دەستی کرد بە تۆژینەوە و پێشکەوتن لە بواری پزیشکی و پارامیدیک.

• ئێستا زانکۆی کرماشانی پزیشکی بریکاری پاراستنی تەندروستی، عیلاج و فێرکاری پزیشکیە لە پارێزگای کرماشان و وەکو جەمسەری پزیشکی رۆژئاوای ئێران ناسراوە.
• ئەم زانکۆیە 8 بەڕێوبەرایەتی، 7 کۆلیژ و 7 سەنتەری فێرکاری- چارەسەری پزیشکی و 77 نەخۆشخانەی لە ناو شاری کرماشان هەیە.
• لەمزانکۆیەدا رێژەی 9847 کارمەند دەوام دەکەن.
• مامۆستایانێ ئەم زانکۆیە وا لەدەوامدان رێژەیان 197 کەسن.

• لەم تێرمەی ئێستادا رێژەی 4742 خوێندکار لە بەشەکانی دیپلۆم، بەکالوریوس، ماستر، دوکتۆرای پزیشکی و دەرمانسازی و ددان و لە ئاستی پسپۆری و سەرەوەی پسپۆری وانە دەخوێنن.

• زانکۆکەمان لە دابینکردنی خزمەتگوزاری تایبەت و پسپۆری شاز، بۆ نەخۆشەکانی وڵاتانی دەراوسێ وەکۆ تورکیە و عێراق و هەرێمی کوردستان، لە دابینکردن و تایبەتمەند کردنی بەشی دیاریکراو بۆ نەخۆشی بیانی لە نەخۆشخانەکاندا، سەرکەوتنی خۆی دەردەخات.

بەرجەستەترین توانائیەکانی زانکۆ

• پەرەپێدانی توانائیەکانی تەندروستی و عیلاج لە کۆمەڵ لەڕێگەی سیستەمەکانی عیلاج و سەنتەرەکانی تەندروستی پەیوەندیدار
• هەبوونی هەموی بەشە پسپۆریەکان لە زانکۆی کرماشان.

• هەبوونی 24 بەشی سەرەوی پسپۆری subspecialty لەبەشە جیاکان وەکو نەشتەرگەری دڵ و نەشتەرگەری سێنگ، نەشتەرگەری منداڵان و نەشتەرگەری مێزەڕۆی منداڵان و هتد، لە کرماشان

• کارکردن لە نەخۆشخانە ئیمام رەزا (ع) وەکۆ جەمسەری پزیشکی رۆژاوای ئێران، بە پلەبەندی نایاب(یەکەم) لە وڵاتی ئێران

• ئیشکردن لە نەخۆشخانەی سەرەوەی پسپۆری نەشتەرگەری دڵ و دەماری ئیمام علی(ع)

• کارابوونی سەنتەرە حکومیەکانی عیلاجی تیشک و رنینی کارەبائی و جیهازی شکاندنی بەردی گورچیلە، و قەستەرەی دڵ و دەمار کە بە تەنیا سەنتەری حکومی رۆژئاوای وڵات دەناسرێن

• کارابوونی سەنتەری چاندنی گورچیلە

• هەبوونی تەنیا سەنتەری PND لە رۆژئاوای وڵات بۆ پۆڵینکردنی کەیساتی تالاسیمیا پێش لەدایکبوون.

• کارابوونی بێوێنەی بەشی (گورچیلەی دەستکرد) دیالیز بە 36 بێدی کارا لە نەخۆشخانەی ئیمام رەزا(ع)

• کارائی سەنتەری دابەزینی زیان و تەندروستی سێکسی و عیلاجی ئیدمانی ژنان بۆ یەکەمجار لە وڵات.